Þessir tveir kappar, Gunnar Ingi Schram Gunnarsson og Helgi Benedikt Hólm, eru þarna á leiðinni út í Leiru til að taka þátt í golfnámskeiði hjá GS. Kvöldið áður höfðum við boðið fimm barnabörnum okkar með okkur að sjá Simpson kvikmyndina. Það var mjög gaman. Við tókum Helga Benna með okkur úr Keflavík og náð'um í Skúla og Hlyn í Mosfellsbæinn. Þar fórum við í nýja Mosfellsbakaríið því við vorum sannarlega kaffiþurfi þá stundina. Síðan fórum við í Sambíóin í Mjóddinni, keyptum okkur gos og pop og fleira sem og miða og biðum eftir Helgu og Huga sem voru á leiðinni. Þá kom í ljós að afinn hafði tekið feil á bíóinu og vorum við þarna búin að kaupa miða á Shrek 3! Við skiluðum miðunum og þutum í Smárabíó um leið og við létum Bjössa vita af mistökunum (afans). Við urðum nú að skila af okkur poppi og gosi og kaupa nýjar birgðir. Myndin var skemmtileg. Eftir að henni lauk fór hópurinn á Pizza Hut og þar var snæddur kvöldbiti með ýmsum skemmtilegum uppákomum. Bjössi kom svo og náði í sín börn, Hlyn og Skúla var skilað í Mosó og Helgi Benni kom og gisti á Kirkjuveginum um nóttina. Sem sagt mjög skemmtilegt allt saman.
Skúli og Hlynur voru í heimsókn þessa helgi og á föstudaginn kom Brynja í heimsókn og var ekki svo lítið hrifin af að hitta frændur sína. Hlynur fékkst til að lesa fyrir hana og ekki skortir einbeitinguna hjá Skúla og Brynju undir lestrinum. Síðar meir fór Brynja í fótbolta með guttunum.
Já það er ótrúlegt en satt að hún Helena Brynja er orðin sautján ára. Það er ekki svo langt síðan finnst mér að við Brynja komum til Þýskalands þegar hún kom í heiminn. En svona er lífið - tíminn flýgur áfram. Við sendum okkar kæru hbh innilegustu hamingjuóskir með daginn um leið og við óskum henni alls hins besta í framtíðinni. Og Helena Brynja - takk fyrir skemmtilega heimsókn á Kirkjuveginn um páskana. Myndin sýnir svo minnstu Brynjuna horfa með athygli á nöfnu sína og ekki skemmdi það fyrir að það var verið að opna páskaeggin!!
Þessi myndarlegi hópur kom í Leifsstöð að morgni 11. apríl eftir langt ferðalag frá LA - hafandi þá dvalið vestra í góðu yfirlæti við að heimsækja kunningja. Mikið golfað og þó nokkuð skoðað. Hrannar og Halla heilsuðu m.a. uppá Keflvíkinginn Inga Haralds í San Diego og urðu þar fagnaðarfundir. Á myndinni eru frá vinstri talið: Ásta, Ásgeir, Gylfi, Sigrún, Hrannar og Halla.
Af ýmsum ástæðum tókst ekki að kalla saman fólkið á Kirkjuveginn en þá var bara tekinn sá kostur að flytja samkomuna í Frostaskjólið. Þrátt fyrir lasleika (Brynja litla og Helgi Benni) þá var glatt á hjalla og nóg að bíta og brenna.
ystur Brynja og Katrín komu í heimsókn í dag og voru heldur betur í stælnum. Það var því tilvalið að smella af þeim mynd. Óhætt er að segja að þær taki sig vel út og Brynja heldur betur ánægð með litlu systur sína.
Í gær fór Brynja litla með okkur inn á Fitjar í Ytri-Njarðvík og vorum við vopnuð brauðhleif úr Valgeirsbakaríi. Það var stillt í veðri en nokkuð kalt. Þarna voru margir fuglar, álftir, gæsir og endur svo eitthvað sé nefnt. Brynju leist vel á og var dugleg að kasta brauðbitum til fuglana. Undir lokin fannst henni nóg komið og fór að stinga bita og bita upp í sig. Eins og sjá má á myndinni var mjög skemmtileg og dulúðleg birta þarna við fuglapollinn. Sem sagt mjög skemmtileg heimsókn á fuglaslóðir.
Nú um helgina höfum við þá Hlyn og Skúla í heimsókn. Hlynur sagði ömmu sinni frá því að hann ætti að fara að læra að prjóna á mánudaginn. Þeim fannst því tilvalið að taka forskot á sæluna og hér má sjá árangurinn sem náðist eftir ekki langan tíma. Gott hjá þér Hlynur.
Um daginn fórum við Brynja til London og var tilgangurinn að skoða tækniö og kennslusýninguna BETT. Það var mjög skemmtilegt. Þar sáum við m.a. margar snallar lausnir í tölvuborðum. Á þessu borði renna tölvurnar ofan í borðið þegar notkun er lokið.